ភ្នំពេញ៖ ៧ខែ ឆ្នាំ២០២៣ ទូទាំងប្រទេសកម្ពុជាទទួលបានភ្ញៀវទេសចរផ្ទៃក្នុងប្រមាណជាង ១២,១៨លាននាក់ ខណៈក្នុងខែកក្កដាកន្លងទៅមានភ្ញៀវទេសចរផ្ទៃក្នុងដើរទស្សនាប្រមាណ ១លាន ១សែននាក់។
ក្រសួងទេសចរណ៍បានបញ្ជាក់ថា នៅក្នុងខែកក្កដា និងខែសីហា ជាខែដែលមានភ្ញៀវទេសចរផ្ទៃក្នុងតិចដើរកម្សាន្តនៅទូទាំងប្រទេស ដោយសារតែជារដូវភ្លៀង ដែលអាចមានជំនន់ទឹកភ្លៀងដោយកន្លែង។ មួយវិញទៀត ខែទាំង២នេះមិនមានថ្ងៃឈប់សម្រាកជាតិទេ។ តែយ៉ាងណាចរន្តភ្ញៀវទេសចរនឹងចាប់ផ្តើមមានសន្ទុះខ្លាំងចាប់ពីខែកញ្ញាវិញ ជាមួយការប្រារព្ធពិធីកាន់បិណ្ឌនិងភ្ជុំបិណ្ឌ និងថ្ងៃឈប់សម្រាកនានា។
ក្រសួងទេសចរណ៍ថារំពឹងទទួលបានភ្ញៀវទេសចរផ្ទៃក្នុងប្រមាណ ១៦លាននាក់សម្រាប់ឆ្នាំ២០២៣នេះ ក្រោមទម្រង់អក្សរ V ដូចដែលព្យាករណ៍ក្នុងផែនទីចង្អុលផ្លូវស្តីពីការស្តារ និងលើកស្ទួយវិស័យទេសចរណ៍ក្នុង និងក្រោយដំណាក់កាលវិបត្តិជំងឺកូវីដ-១៩៕
ព័ត៌មានជាច្រើនទៀតសម្រាប់អ្នក
